Loading ...
Ndeshja çerekfinale e hokejit për meshkuj në Lojërat Olimpike Dimërore midis Kanadasë dhe Republikës Çeke u njollos nga polemika kur skuadra evropiane shënoi golin e tretë, duke marrë epërsinë 2-3 në një sfidë që në fund do ta humbiste 4-3. Loja ishte shumë e diskutueshme, pasi gjyqtarët nuk vunë re se në fushë kishte gjashtë lojtarë çekë, kur duhet të kishte pesë lojtarë në fushë plus portierin.
Por ky ishte vetëm gabimi i parë i gjyqtarëve. Ajo që zbuloi më pas “CBC Olympics” e kthen në një skandal të vërtetë arbitrimin në këtë sfidë.
Pamjet televizive nuk tregonin se çfarë po ndodhte në zonën mbrojtëse të Republikës Çeke, por falë transmetuesit zyrtar të Olimpiadës Dimërore në Shtetet e Bashkuara të Amerikës, është konfirmuar se kjo skuadër kishte jo më pak se tetë lojtarë në fushë, dy prej të cilëve po largoheshin nga akulli.
Nëse Kanadaja nuk do të kishte përmbysur rezultatin ky do të skandal do të bëhej akoma më I madh.
Me pak më shumë se 12 minuta të mbetura në periodën e tretë dhe rezultatin e barabartë, lojtari çek Ondrej Palat shënoi golin e diskutueshëm dhe përmbysja ishte e plotë.
Megjithatë, ai gol nuk duhej të ishte numëruar dhe sipas rregullave, duhej të ishte dhënë një penallti për shkak të shumë lojtarëve në akull. Gjëja më kurioze është se kishte gjashtë lojtarë në fushë që festonin, kështu që diçka nuk shkonte tashmë. Gjëja më e pabesueshme ishte zbulimi më pas se në fakt kishte një tepricë prej tre lojtarësh.
