Loading ...
Agjencia e Mbrojtjes Civile në Rripin e Gazës njoftoi se bombardimet izraelite kishin vrarë të paktën 12 persona.
Ndërsa ushtria izraelite deklaroi se po i përgjigjej një “shkeljeje flagrante” të marrëveshjes së armëpushimit, disa orë para se Presidenti i SHBA-së Donald Trump të kërkonte çarmatimin e plotë dhe të menjëhershëm të Hamasit.
Izraeli dhe lëvizja islamiste palestineze Hamas akuzojnë njëri-tjetrin për shkelje të kushteve të marrëveshjes së armëpushimit, e cila hyri në fuqi më 10 tetor pas dy vitesh lufte shkatërruese.
Agjencia e Mbrojtjes Civile, një organizatë ndihme që raporton tek autoritetet e Hamasit, tha se një predhë goditi një tendë duke vrarë pesë persona.
Një tjetër sulm vrau gjithashtu pesë persona në Khan Yunis. Dy persona të tjerë u vranë në Qytetin e Gazës dhe Beit Lahia.
