Loading ...Reshjet intensive të shiut në Himarë dhe dalja e përroit nga shtrati kanë shkaktuar probleme në disa banesa, ndërsa uji ka depërtuar edhe në brendësi të tyre.
Sipas banorëve të zonës, reshjet kanë qenë të shumta dhe prurjet e ujit tepër të mëdha.
Dëmet janë shkaktuar kryesisht në katet e para të banesave, ku uji ka depërtuar në brendësi, duke dëmtuar orendi e pajisje shtëpiake.
Në një hark kohor prej 30 minutash, Himara u përball me furinë e reshjeve të shiut.
Në Qafën e Vishës për shkak të rënies së gurëve dhe dherave u bllokua njëri krah I rrugës, duke vështirësuar qarkullimin.
Sipas informacioneve paraprake, masivi I gurëve u shkëput nga shpati, ndërsa drejtuesit e mjeteve janë të detyruar të lëvizin me kujdes dhe me shpejtësi të reduktuar, pasi rruga është e kalueshme vetëm në një krah.
Bashkia e Himarës pas situatës problematike që shkaktuan reshjet dhë vërshimet e përrenjëve, reagoi duke iu bërë apel qytetarëve që të shmangin lëvizjet jo të domosdoshme.
