Loading ...
Më shumë se 80 palestinezë u vranë nga sulmet izraelite në të gjithë Rripin e Gazës të mërkurën, shumica e tyre në Qytetin e Gazës, thanë zyrtarët shëndetësor.
Gra dhe fëmijë ishin në mesin e të paktën 20 personave që vdiqën kur një sulm goditi një ndërtesë dhe tenda që strehonin familjet e zhvendosura në lagjen qendrore Daraj të Qytetit të Gazës gjatë natës.
Ushtria izraelite tha se vrau dy luftëtarë të Hamasit dhe se numri i viktimave nuk përputhej me informacionin e saj, raporton BBC.
Ndërkohë, tanket dhe trupat izraelite vazhduan përparimin e tyre në zemër të qytetit, të cilin Izraeli e quan bastioni i fundit i Hamasit. Ushtria ka thënë se ofensiva tokësore synon të sigurojë lirimin e pengjeve që mbahen ende nga Hamasi dhe të sigurojë “disfatën vendimtare” të grupit të armatosur palestinez.
Qindra mijëra banorë deri më tani kanë ikur nga qendra më e madhe urbane e Gazës, ku përballen me uri ekstreme të konfirmuar muajin e kaluar nga një organ i mbështetur nga OKB-ja. Por qindra mijëra të tjerë vazhdojnë të qëndrojnë në qytet në kushte të tmerrshme humanitare, me shërbimet shëndetësore në kolaps.
Ndërkohë, i dërguari special i SHBA-së, Steve Ëitkoff, tha se presidenti Donald Trump kishte paraqitur një plan me 21 pika për paqen në Lindjen e Mesme dhe Gazë para një grupi udhëheqësish arabë dhe myslimanë në margjinat e Asamblesë së Përgjithshme të OKB-së në Nju Jork të martën.
Witkoff nuk dha detaje rreth planit, por tha se ai adresonte shqetësimet izraelite, si dhe shqetësimet e të gjithë fqinjëve në rajon.
