Dueli i mbrëmjes së sotme, midis Anthony Joshua dhe Andy Ruiz, konsiderohet si eventi më i madh i industrisë së boksit për vitin 2019. Ndër personat e paktë që anuluan pjesëmarrjen në këtë përballje historike është Jose Mourinho. Trajneri portugez zbuloi se shpreson në një fitore të mikut të tij britanik Anthony Joshua.
“E vetmja gjë e keqe që më solli emërimi si trajner i Tottenham është fakti që nuk do mund të ndjek duelin midis Joshua dhe Ruiz Jr. Muaj më parë mora një ftesë nga princi i Arabisë Saudite, por preferoj të drejtoj skuadrën kundër Burnley”.
“Hakmarrje e Joshua? Nuk jam një ekspert, thjesht më pëlqen sporti i boksit. Më pëlqen shumë Anthony Joshua, pasi është një djalë i shkëlqyer. Shpresoj që ai të fitojë, por si në çdo sport ndodh edhe që të humbësh. Të shohim ç’do ndodhë”, është shprehur portugezi. /abcnews.al