Afati i fundit për listat/ Të mërkurën në mbrëmje Kryesia e PS zyrtarizon emrat e kandidatëve

Të mërkurën në mbrëmje, PS do të zyrtarizojë emrat e kandidatëve për deputetë, për zgjedhjet parlamentare të 11 majit.

Mbledhja e Kryesisë socialiste do të zhvillohet në orën 19:00, në selinë rozë.

“Konkretizimi i skuadrës socialiste do të jetë me mbledhjen e Kryesisë. Mbledhja do të kryhet në orën 19:00. Pas mbledhjes së Kryesisë, do jenë 12 drejtuesit politikë që do dalin dhe do publikojnë listën e kandidatëve, me të cilët socialistët do përfaqësohen në zgjedhjet e 11 majit”, raportoi ndër të tjera, gazetarja Greta Bullari./abcnews.al