Ligjvënësja ruse Maria Butina tha të hënën se administrata e presidentit amerikan Joe Biden po rrezikonte Luftën e Tretë Botërore nëse do të kishte lejuar Ukrainën të përdorte armë të prodhuara nga SHBA për të goditur thellë në Rusi.
“Këta njerëz, administrata e Bidenit, po përpiqet ta përshkallëzojë situatën në maksimum, ndërsa ata ende kanë pushtet dhe janë ende në detyrë”, tha Butina për Reuters.
“Unë kam një shpresë të madhe që (Donald) Trump do ta kapërcejë këtë vendim nëse kjo është marrë sepse ata po rrezikojnë seriozisht fillimin e Luftës së Tretë Botërore, gjë që nuk është në interesin e askujt.”
Mediat e huaja raportuan mbrëmjen e së dielës se administrata e Bidenit ka marrë vendimin për të lejuar Ukrainën të kryejë sulme me armë amerikane thellë në Rusi.
Presidenti rus Vladimir Putin tha më 12 shtator se miratimi perëndimor për një hap të tillë do të nënkuptonte “përfshirjen e drejtpërdrejtë të vendeve të NATO-s, Shteteve të Bashkuara dhe vendeve evropiane në luftën në Ukrainë”./abcnews.al
