Nikaragua po ndërpret marrëdhëniet diplomatike me Izraelin, i cili është kritikuar publikisht nga qeveria e Daniel Ortega për luftën kundër Hamasit në Rripin e Gazës, njoftoi të premten nënpresidentja e vendit.
“Presidenti ynë i ka kërkuar ministrisë së Punëve të Jashtme (…) të ndërpresë marrëdhëniet diplomatike me qeverinë fashiste dhe gjenocidale të Izraelit”, thuhet në deklaratën e nënpresidentes Rosario Murillo.
Në thelb, vendimi është simbolik, pasi tregtia mes dy vendeve është pothuajse inekzistente. Përveç kësaj, Izraeli nuk ka një ambasador në Nikaragua.
Izraeli dhe Nikaragua i kishin rivendosur marrëdhëniet diplomatike më 28 mars 2017 pasi Ortega i ndërpreu ato në 2010.