OBSH thotë se të paktën 28 mjekë në detyrë janë vrarë në 24 orët e fundit në Liban, ku Izraeli ka nisur sulmet ajrore dhe ka dërguar trupa për të luftuar Hezbollahun.
“Shumë punonjës (të tjerë) shëndetësorë nuk raportojnë në detyrë dhe u larguan nga zonat ku ata punojnë për shkak të bombardimeve,” tha drejtori i Përgjithshëm, Tedros Adhanom Ghebreyesus në një konferencë për shtyp, duke bërë thirrje për mbrojtje më të forta për punonjësit e shëndetësisë.
“Kjo po kufizon rëndë ofrimin e menaxhimit të traumave masive dhe vazhdimësinë e shërbimeve shëndetësore,” tha ai.
Përfaqësuesi i OBSH-së në Liban, Dr Abdinasir Abubakar tha në konferencë se të gjithë punonjësit e kujdesit shëndetësor të vrarë ditën e kaluar kishin qenë në detyrë, duke ndihmuar me të plagosurit.
Rreth 2,000 njerëz janë vrarë, duke përfshirë 127 fëmijë dhe mbi 9 mijë të plagosur që nga fillimi i sulmeve izraelite në Liban gjatë vitit të kaluar, tha ministria e shëndetësisë e vendit./abcnews.al
