Britania e Madhe ka rënë dakord t’i dorëzojë Ishujt Chagos Mauritius-it, duke i dhënë fund një mosmarrëveshjeje shumëvjeçare për koloninë e fundit afrikane të Britanisë.
Britania e Madhe dëboi banorët e arkipelagut Chagos në vitet 1960 dhe 1970, në atë që është përshkruar si një krim kundër njerëzimit. Britania e mbajti këtë zotërim dhe e quajti atë Territori Britanik i Oqeanit Indian, ose BIOT, pasi Mauritius fitoi pavarësinë në vitin 1968, raporton Guardian.
Marrëveshja pasoi një raund negociatash që filluan në vitin 2022, pasi Gjykata Ndërkombëtare e Drejtësisë (ICJ), Asambleja e Përgjithshme e OKB-së dhe Tribunali Ndërkombëtar për të Drejtën e Detit (ITLOS) në 2019 dhe 2021 njohën pretendimet e Mauritius për sovranitet mbi arkipelag Chagos.
Britania u zbulua se kishte ndarë ilegalisht Ishujt Chagos nga Mauritius përpara se të jepte pavarësinë në 1968. Britania e Madhe fillimisht injoroi votat e OKB-së dhe vendimet e gjykatave që kërkonin kthimin e ishujve, duke theksuar se vendimi i GJND-së ishte vetëm një “opinion këshillues”./abcnews.al
