Hezbollahu thotë se ka lëshuar raketa në bazën ajrore Sde Dov në periferi të Tel Avivit në Izraelin qendror.
Sulmi, siç pretendon grupi militant, vjen pasi ushtria izraelite thotë se ka nisur një “sulm të saktë” në Bejrut.
Ushtria izraelite tha se nuk kishte identifikuar ende një kërcënim ajror nga Irani, pasi SHBA paralajmëroi se Teherani po përgatitej të niste një sulm me raketa balistike kundër Izraelit.
“Në këtë moment, Izraeli nuk e percepton kërcënimin e afërt nga Irani”, deklaroi të martën zëdhënësi i Forcave të Mbrojtjes të Izraelit, Daniel Hagari.
Gjatë një video-mesazhi të shkurtër, Hagari u shpreh se avionët ushtarakë izraelitë aktualisht po “skanojnë qiellin” për çdo kërcënim të afërt nga Irani.
“Ne jemi në gatishmëri maksimale si në ofensivë ashtu edhe në mbrojtje,” shtoi Hagari, duke paralajmëruar Iranin se çdo sulm ndaj Izraelit “do të kishte pasoja”./abcnews.al
