Belgjika zhvilloi një fazë eliminatoresh fantastike dhe arriti fitore në të dhjeta ndeshjet e grupit I. Roberto Martinez e ka të qartë se zotëron një brez të mrekullueshëm dhe lojtarë plot cilësi.
Kontingjenti është i pasur dhe kjo kombëtare mund të triumfojë kundër çdo skuadre. Bashkë me Italinë janë dy kombëtaret që regjistruan vetëm triumfe dhe objektivat për Europianin e vitit 2020 janë maksimale.
“Sigurisht që jemi në gjendje të fitojmë Europianin. Është një objektiv brenda mundësive tona dhe gjithçka do të varet nga ne. Vendosëm një standard të madhe në Botëror, tani duhet të përmirësohemi. Skuadra dhe tifozët bashkë. Kemi 7 muaj përpara për t’u bërë edhe më të mirë.
Kjo skuadër e meriton fitimin e Europianit, por, në futboll, nuk është kurrë kaq e thjeshtë. Të gjithë kemi punuar shumë mirë këtë vit. Lojtarët i kanë të qarta detyrat dhe po bëjnë gjithçka me një përqendrim të jashtëzakonshëm. Është bukur të shënosh 6 gola dhe të vazhdosh të luash në të njëjtën mënyrë“, thekson për Goal, Roberto Martinez, trajneri spanjoll i Belgjikës. /abcnews.al
