Partia Socialiste zhvilloi të dielën Kongresin, ku kryeministri Edi Rama njoftoi ndryshime në qeveri dhe propozoi Elisa Spiropalin për postin e kryetares së Kuvendit, pas dorëheqjes së Lindita Nikollës.
Kreu i qeverisë deklaroi se do t’i propozojë Presidentit të Republikës, Bajram Begaj, ndryshime në kabinetin qeveritar. Rama tha se Taulant Balla do të propozohet në postin e ministrit për Marrëdhëniet me Parlamentin, Ervin Hoxha, si ministër i Brendshëm, Petrit Malaj si ministër i Financave dhe Piro Vëngu si ministër i Mbrojtjes.
Gjatë fjalës së tij, Rama kërkoi nga socialistët që mandati i katërt të jetë shembullor dhe Partia Socialiste të korrë një fitore spektakolare, ku me votën e diasporës, që e cilësoi realitet politik, synon 1 milion vota për PS.
Akuzat se mazhoranca po kontrollon drejtësinë, i quajti broçkulla. Sipas tij, kushdo nga PS që ka për të dhënë llogari për korrupsion, adresën e ka te SPAK.
/abcnews.al
