Atentati ndaj Donald Trump krijoi të dhëna të reja për zgjedhjet presidenciale të nëntorit. Fakti që ish-presidenti ndodhet në Milwaukee për konventën katërditore republikane ka shkaktuar shumë zhurmë.
Së pari, sepse tregon padurimin e tij për të folur, në këtë kohë, me mbështetësit e tij dhe së dyti, sepse ai vetë udhëzoi stafin e tij që të jepte një mesazh “uniteti” në konferencë.
Gjithashtu, të shtënat i shtojnë një element të paparashikueshmërisë të përballjes mes Trump dhe Biden. Në nivel politik, Trump favorizohet nga ky sulm, ndërsa Biden, megjithëse mund të dëmtojë republikanët duke reduktuar pronësinë e armëve në një çështje kyçe të fushatës zgjedhore, dhe gjithashtu i duhet të përballet me thirrjet nga Obama dhe Pelosi për dorëheqjen e tij.
Nga ana tjetër, në nivelin social, si presidenti në largim ashtu edhe ish-presidenti duhet të kenë propozime për të luftuar dhunën politike dhe unitetin, në mënyrë që të parandalojnë që klima mbizotëruese në shoqërinë amerikane të shkaktojë përçarje.
Sipas Washington Post, një person që foli me Trump të dielën tha se “Ai beson se i është dhënë një dhuratë nga Zoti. Nuk mund ta besojë,” tha personi në fjalë, i cili si të tjerët të intervistuar për këtë çështje foli në kushte anonimiteti.
Ndërsa planet edhe mund të ndryshojnë, konventa pritet të fokusohet më shumë në “guximin dhe qëndrueshmërinë” e Trump.
Në përpjekje për të qetësuar ndihmësit në orët e hershme të mëngjesit të së dielës, këshilltarët kryesorë të Trump, Chris LaCivita dhe Susie Ëiles dërguan një email stafit, në të cilin ata thanë se konventa do të “vazhdonte siç është planifikuar”.
Shumë aleatë të Trump, duke përfshirë Senatorin Jay D. Vance (R-Ohio), fajësuan për të shtënat kundërshtarët politikë të Trump, me Vance duke argumentuar se nuk ishte “një incident i izoluar”.
Nikki Haley, ish-guvernatorja e Karolinës së Jugut që kundërshtoi nominimin republikan kundër Trump do të flasë në konventë, duke thënë se ndarjet brenda partisë duhet të lihen menjë anë.
Ndryshimi i kursit te demokratët
Në një deklaratë televizive të shtunën, Biden e quajti dhunën të papranueshme dhe u kërkoi amerikanëve “të bashkohen si një komb për ta dënuar atë”.
Demokratët kishin planifikuar një javë me konferenca të përditshme për shtyp për të dhënë mesazhin e tyre në lidhje me sukseset ekonomike të Biden, drejtimin e GOP për abortin dhe deklaratat e Trump se çfarë do të bënte nëse rizgjidhej.
Pas të shtënave, fushata e Bidenit ndërpreu të gjitha komunikimet në dalje. Ndihmësit e tij thanë se po punojnë për të hequr sa më shpejt reklamat e tyre televizive, duke krijuar pasiguri se si fushata do t’i përgjigjet fjalimeve dhe aktiviteteve të konventave këtë javë.
Fushata Biden-Harris pezulloi gjithashtu një fushatë reklamuese prej 50 milionë dollarësh.
Ndarja politike dhe narrativa e Trump
Kur Presidenti Ronald Reagan u qëllua në 1981, vendi u mblodh pas liderit të tij të plagosur.
Kryetari demokrat i Dhomës së Përfaqësuesve, Thomas P. O’Neill Jr., i përlotur hyri në dhomën e presidentit republikan, u gjunjëzua për t’u lutur për të.
Por atentati ndaj ish-presidentit Donald Trump duket se ka më shumë gjasa të ndajë Amerikën sesa ta bashkojë atë.
Brenda pak minutash nga të shtënat, ndjenjat mbizotëruese ishin zemërimi, hidhërimi, dyshimi dhe akuzat. Teoritë e konspiracionit kanë filluar të rriten në një vend që tashmë po vlon nga armiqësitë.
Sido që të jetë, episodi mund të nxisë narrativën e Trump se ai është viktimë e një ndjekjeje demokratike.
I fajësuar, i akuzuar, i paditur dhe i dënuar, ish-presidenti kishte akuzuar edhe para të shtunës demokratët se kërkonin ta ekzekutonin nga agjentët e FBI-së apo edhe të ekzekutohej për krime që nuk parashikojnë dënim me vdekje.
Të shtënat vijnë në një kohë kur Shtetet e Bashkuara mbizotërohen nga tjetërsimi përgjatë vijave ideologjike, kulturore dhe partiake, të ndara, siç duket shpesh, në dy vende, madje dy realitete.
Më shumë se në çdo kohë në breza, amerikanët nuk e shohin veten në një sipërmarrje kolektive, por e perceptojnë veten në anët e kundërta të fushëbetejave moderne.
Biden nuk iu përgjigj menjëherë kritikave ndaj gjuhës së tij gjatë tre paraqitjeve televizive pas të shtënave. Por ai e dënoi ashpër sulmin dhe i uroj shërim të shpejtë Trump. Ashtu si Johnson, ai tha gjatë një fjalimi të rrallë në Zyrën Ovale se amerikanët duhet të “ulin gjakrat”, duke bërë thirrje për qetësi,
Rreziku është se nëse dhuna politike normalizohet, atëherë e gjithë kjo do të kthehet në një formë tjetër të luftës së pafund partizane.
Sipas New York Times, një studim i botuar në maj zbuloi se 11 për qind e amerikanëve thanë se dhuna ishte ndonjëherë ose gjithmonë e justifikuar për ta kthyer Trump në presidencë dhe 21 për qind thanë se ishte e justifikuar për të çuar përpara një qëllim të madh politik.
/abcnews.al
