Masoud Pezeshkian i ka dërguar një mesazh liderit të Hezbollahut, Hassan Nasrallah, duke thënë se lëvizjet e rezistencës në të gjithë rajonin nuk do të lejojnë që “politikat kriminale” të Izraelit ndaj palestinezëve të vazhdojnë.
“Republika Islamike ka mbështetur gjithmonë rezistencën e popullit të rajonit kundër regjimit të paligjshëm sionist”, cituan mediat iraniane të ketë thënë presidenti i zgjedhur.
“Jam i sigurt se lëvizjet e rezistencës në rajon nuk do ta lejojnë këtë regjim të vazhdojë politikat e tij luftarake dhe kriminale kundër popullit të shtypur të Palestinës dhe kombeve të tjera të rajonit”, shtoi ai.
Pezeshkian, i cili kishte mbështetjen e figurave të larta në kampin reformist të Iranit, mundi konservatorin e linjës së ashpër Saeed Jalili në balotazhin e zgjedhjeve të së premtes.
