Me një vijë bregdetare prej 4 km të shoqëruar nga masivi pyjor, plazhi i Darzezës në Fier është edhe këtë verë, i preferuari i vendasve të cilët zgjedhin qetësinë, relaksin dhe ushqimin e mirë.
Por nëse natyra është treguar bujare me bukuritë, plazhi nuk është i lehtë për t’u aksesuar për shkak të mungesës së rrugës.
Një segment prej vetëm një kilometër është kthyer në shqetësim për pushuesit ndërsa pronarët e lokaleve e konsiderojnë pengesë për një sezon të suksesshëm
Megjithatë sezoni duket i mbarë. Vetëm në fundjavë Darzeza frekuentohet nga 5000 pushues.
Plazhet e Fierit si Semani dhe Darzeza frekuentohen kryesisht nga pushues ditorë por vitet e fundit banorët e fshatrave pranë tyre ofrojnë edhe dhoma pushimi.
Përveç natyrës së bukur, këto plazhe tërheqin vizitorë edhe për ushqimin tradicional ku peshku i freskët, frutat dhe perimet e zonës janë më të kërkuarat.
/abcnews.al/
