Greqia U-19 ka shkatërruar me rezultatin 5-1 kombëtaren tonë kuqezi të U-19. Djemtë e Nevil Dede nuk arritën për asnjë moment të tregonin superioritet, madje në fund të 90 minutave, pësojnë plot 5 gola.
Tzimas në minutën e 13-të hapi serinë e golave për grekët, ndërsa Vagiannidis (59’) dhe Vrakas (72’) çuan rezultatin në 3-0. Në minutën e 81-të, Dobra shënoi golin e vetëm për kuqezinjtë tanë.
Greqia do të shënonte dhe dy herë të tjera pas golit të Dobrës, me anë të Liavas (85’) dhe Athanasakopoulos (88’). Shqipëria U-19 i nis kështu në mënyrën më të keqe të mundshme kualifikueset e Euro U-19./abcnews.al
Kualifikuese, Euro U-19
Greqi – Shqipëri 5-1
Tzimas 13’, Vagiannidis 59’, Vrakas 72’, Liavas 85’, Athanasakopoulos 88’ / Dobra 81’
