Një automjet ka marrë flakë në ecje, në aksin rrugor Viron-Sarandë.
Policia bën me dije se automjeti ishte marrë me qira nga një shtetas spanjoll, 40 vjeç, i cili udhëtonte së bashku me familjen e tij.
Shkak dyshohet të jetë bërë një shkëndijë elektrike.
Zjarrfikësit kanë bërë të mundur fikjen e zjarrit, ku janë shkaktuar vetëm dëme materiale. Shërbimet e Policisë kanë shoqëruar turistët në qytetin e Sarandës.
Grupi hetimor vijon punën për sqarimin e plotë të rrethanave të ngjarjes.
