Loading ...
Vdekjet e civilëve për shkak të konflikteve të armatosura në mbarë botën u rritën me 72% vitin e kaluar, tha shefi i OKB-së për të drejtat e njeriut, duke ngritur alarmin për përqindjen e grave dhe fëmijëve të vrarë.
“Në vitin 2023, të dhënat e mbledhura nga zyra ime tregojnë se numri i vdekjeve të civilëve në konfliktet e armatosura është rritur me 72%,” tha Volker Turk në hapjen e një sesioni të Këshillit të OKB-së për të Drejtat e Njeriut.
Ai shtoi se të dhënat tregojnë se “ Përqindja e grave të vrarë në 2023 është dyfishuar dhe ajo e fëmijëve është trefishuar”.
OKB, në një raport të publikuar një ditë më parë, tha se bota është shumë larg rrugës për arritjen e shumicës së objektivave të zhvillimit të qëndrueshëm të rënë dakord në vitin 2015, të tilla si trajtimi i varfërisë dhe urisë. Në raport, përmenden mungesa e financimit, tensionet gjeopolitike dhe pandemia e Covid-19.
/abcnews.al
