Pixar’s Inside Out 2 ka thyer rekorde të ardhurash gjatë fundjavës pasi grumbulloi rreth 295 milionë dollarë në mbarë botën. Kjo është shifra më e lartë nga një film i animuar i të gjitha kohërave në debutim, tha kompania mëmë Disney.
Në Amerikën e Veriut, shitjet e biletave arritën rreth 155 milionë dollarë, duke rrëzuar nga froni Dune: Part 2.
Fundjava e parë e Inside Out 2 shënoi më shumë fitime se filmi origjinal, i cili grumbulloi 90 milionë dollarë në fundjavën e tij të debutimit përpara se të fitonte 858 milionë dollarë në mbarë botën.
Ishte debutimi i dytë më e mirë për kompaninë në tregun e Amerikës së Veriut, menjëherë pas publikimit të vitit 2018 të The Incredibles 2. Inside Out 2 është vazhdimi i parë i fituesit të Oscar 015, i cili u fokusua në emocionet e një vajze të re të quajtur Riley.
Ndërsa origjinali kishte të bënte me ndjenja si gëzimi, frika dhe zemërimi, pjesa e fundit trajton çështje të tilla si zilia dhe ankthi.Një pjesë e madhe e shitjeve vjetore të biletave zakonisht ndodhin në periudhën nga fundjava e parë e majit deri në fillim të shtatorit.
Megjithatë, grevat e aktorëve dhe skenaristëve vitin e kaluar kanë bërë shumë pak filma të jenë gati për publikun. Industrisë i është dashur gjithashtu të luftojë me shërbimet e transmetimit si për përmbajtjen ashtu edhe për klientët.
Numri i biletave të kinemasë të shitura në Amerikën e Veriut deri më tani këtë vit është ulur me pothuajse një të katërtën krahasuar me të njëjtën periudhë të vitit 2023, sipas kompanisë së hulumtimit të tregut mediatik Comscore.
/abcnews.al
