Pasi arritën të rinovonin kontratën e kapitenit Lautaro Martinez, tashmë “Zikaltërit” e Inter janë shumë pranë arritjes së akordit me mesfushorin, Nicolo Barella dhe teknikun Simone Inzaghi, megjithatë përveç tre të lartpërmendurve, një emër tjetër që pronarët e rinj, “Oaktree” kërkojnë të rinovojnë është edhe Denzel Dumfries.
Kontrata e “tulipanit” holandez skadon në vitin 2025 dhe në mungesë të rinovimit, që aktualisht duket i largët, ai do të shitet dhe duke qenë në një situatë të tillë, drejtuesit e “Zikaltërve” kanë filluar të mendojnë se me kë do ta zëvendësojnë atë “pistonin” e krahut të djathtë të fushës.
Emri i parë në listën e dëshirave vjen nga Spanja dhe ai është mbrojtësi 21-vjeçar i Girona, Arnau Martinez, me spanjollin, i cili konsiderohet një lojtar i nivelit të lartë, për të cilin kampionët e Italisë tashmë kanë vendosur ta nisin me një ofertë fillestare prej 5 milionë eurosh. /i.m /abcnews.al
