Mbi 100 njerëz dyshohet se lanë vdekur nga një rrëshqitje dheu në një fshat në një pjesë të largët të Papua Guinesë së Re, sipas mediave të huaja. Autoritetet nuk e kanë konfirmuar ende numrin e viktimave.
Rrëshqitja e dheut preku fshatin Kaokalam në provincën Enga, i cili ndodhet rreth 600 kilometra në veriperëndim të kryeqytetit të Papuas, Port Moresby.
Banorët thonë se vlerësimet aktuale të numrit të të vdekurve janë mbi 100, megjithëse autoritetet nuk e kanë konfirmuar këtë shifër. Fshatarët thanë se numri i të vrarëve mund të jetë shumë më i madh.
Elizabeth Laruma, e cila drejton një shoqatë biznesi të grave në Porgera, një qytet në të njëjtën provincë pranë minierës së arit Porgera, tha se shtëpitë e fshatit u rrafshuan kur faqja e një mali u shemb./abcnews.al
