Trajneri i Interit, Antonio Conte, foli menjëherë pas ndeshjes kundër Dortmund, të cilën skuadra e tij e humbi me përmbysje 3-2. Në fjalën e tij, trajneri italian analizoi si shkoi takimi, si dhe ku gaboi ekipi i tij sot.
“E njëjta gjë ndodhi edhe në Barcelonë, ishte edhe më keq, sepse sot ne ishim në avantazh me dy gola. Na vjen keq, ekipi po rritet, por bëjmë ende disa gjëra në mënyrën e gabuar. Pjesa e dytë? Unë besoj se dikush që duhet të kuptojë si luhen ndeshje si këto. Megjithatë, skuadra do të mësojë dhe kjo është vetëm eksperiencë.
Na vjen keq për mënyrën se si mbaroi loja, si për mua ashtu edhe për djemtë e mi. Janë bërë disa gabime në këtë sfidë. Ne po luftojmë në tre kompeticione, kalendari është i ngjeshur. Në këto kushte, është e vështirë”, tha mes të tjerash Conte./abcnews.al
