Këngëtari i hiteve Naser Berisha në ditën e tij të lindjes i dhuron vetes dhe fansave një këngë të re të titulluar “Në jetën time”.
Në një intervistë për “ABC e Mëngjesit” në ABC News, foli për karrierën e tij muzikore dhe planet e tij në muzikë. Ai zbuloi se në muajin maj do të kthehet në Shqipëri dhe Kosovë, ku këtu ka në plan një bashkëpunim me një rock band.
“Prej 1 majit do jem në Tiranë. Kënga “Në jetën time” është një rock-baladë klasike, është një histori e vjetër, por jo diçka personale. Edhe pse kënga ishte përgatitur nga Bashkim Kerqeli, unë vendosa ta ndryshoja pak. Edhe pse kënga ishte përgatitur herët, vendosa ta publikoj ditën time të lindjes. Në muajin maj do jem në Shqipëri e pastaj në Kosovë, atje mendoj se do bëj një këngë për vete dhe një bashkëpunim. Besoj se mund të bëj një bashkëpunim me një rock band nga Kosova.
Unë këndoj për lehtësim të shpirtit. Nuk bëj muzikë për përfitime financiare. Sot është e vështirë të frymëzohesh për një tekst kënge.”, tha ai.
