Një aksident me pasojë plagosjen e dy personave ka ndodhur mbrëmjen e sotme në aksin rrugor Librazhd-Prrenjas. Në aksident janë përfshirë dy automjete, ndërsa të plagosurit janë dërguar me urgjencë për ndihmë mjekësore në spitalin rajonal të qytetit të Elbasanit.
Ndërkohë policia ka shkuar në vendngjarje dhe po punon për shkaqet e këtij aksidenti.
“Njoftimi i policisë:
Në aksin rrugor Librazhd-Prrenjas, në fshatin Qukës, shtetasi E.B., banues në Elbasan, duke drejtuar mjetin tip “Alfa Romeo”, është përplasur me mjetin tip Fugon, me drejtues shtetasin E.K., banues në Elbasan.
Si pasojë e aksidentit janë dëmtuar shtetasit Xh.K., Xh.K., të cilët ishin pasagjerë në mjetin tip Fugon, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit.”/abcnews.al
