Ministrja e Jashtme gjermane, Annalena Baerbock ka kritikuar thirrjen e Papa Françeskut që Ukraina të negociojë me Moskën, duke thënë se ajo nuk e “kupton” pozicionin e tij.
“Nuk e kuptoj,” i tha zonja Baerbock transmetuesit publik ARD të dielën në mbrëmje. “Unë mendoj se disa gjëra mund të kuptohen vetëm nëse i shihni me sytë tuaj”, shtoi ministrja, e cila ka vizituar disa herë Kievin që nga fillimi i luftës.
Në bisedat e saj me fëmijët ukrainas të prekur nga lufta, ajo tha se pyeste veten: “Ku është Papa? Papa duhet t’i dijë këto gjëra. Nëse Ukraina dhe aleatët e saj nuk tregojnë forcë tani, nuk do të ketë paqe. Ne duhet të qëndrojmë pranë Ukrainës dhe të bëjmë gjithçka në fuqinë tonë për të siguruar që ajo të mund të mbrohet”, shtoi ajo.
Gjermania është kontribuuesi i dytë më i madh i ndihmës ushtarake për Ukrainën, pas Shteteve të Bashkuara./abcnews.al
