Një zyrtar i lartë i administratës amerikane thotë se qeveria izraelite ka përgatitur një kalim të ri tokësor direkt në Gazën veriore, një zhvillim që vjen pas javësh presioni të SHBA-së ndërsa kriza humanitare përkeqësohet.
“Ky kalim i tretë do të lejojë që ndihma të rrjedhë drejtpërdrejt për popullatën në Gazën veriore që ka nevojë urgjente për ndihmë. Siç konfirmoi OKB-ja sot, ne presim që dërgesat e para të kalojnë tranzit në këtë vendkalim gjatë javëve të ardhshme, duke filluar me një pilot dhe më pas duke u rritur,” tha zyrtari.
Lëvizja e qeverisë izraelite për të lejuar ndihmat vjen pasi SHBA ka rritur retorikën publike ndaj Izraelit për situatën humanitare në Gaza. Ky mesazh iu përcoll si qeverisë së kryeministrit Benjamin Netanyahu në Izrael dhe rivalit të tij kryesor politik, Benny Gantz, në Uashington këtë javë.
Më herët sot, zyrtarët amerikanë thanë se presidenti Joe Biden do të njoftojë hapat e rinj për të krijuar një port në Gaza për ndihmë humanitare gjatë fjalimit të tij për gjendjen e Bashkimit të enjten në mbrëmje./abcnews.al
