Një çantë që përmbante një kompjuter dhe dy memorie USB të cilat kishin planet e sigurisë së policisë për Lojërat Olimpike të Parisit është vjedhur në një tren në stacionin Gare du Nord të kryeqytetit francez.
Çanta i përkiste një inxhinieri nga Parisi, tha policia të martën, duke konfirmuar një raport nga televizioni BFM dhe duke shtuar se ai e kishte vendosur çantën në ndarjen e bagazhit mbi ulësen e tij.
Inxhinieri tha se laptopi i tij i punës dhe dy USB përmbanin të dhëna të detajuara, veçanërisht planet e policisë bashkiake për sigurimin e Lojërave Olimpike verore të këtij viti.
Dy mijë policë të komunës së Parisit dhe rreth 35 mijë personel sigurie do të vendosen gajtë Lojërave Olimpike, të cilat zhvillohen nga 26 korriku deri më 11 gusht.
Kryeqyteti francez ka qenë shpesh herë viktimë e sulmeve dhe për Lojërat Olimpike pritet të jetë një siguri jashtëzakonisht e madhe./h.ll/abcnews.al
Bag containing security plans for Paris Olympics stolen from French train https://t.co/knhHapIdxC
— The Guardian (@guardian) February 28, 2024
