Loading ...
Kryeministri hungarez, Viktor Orban tha se Brukseli ka nevojë për ndryshime teksa po fliste për zgjedhjet parlamentare evropiane.
“Brukseli ka nevojë për ndryshime”, tha Orban në një takim të grupit parlamentar në pushtet Fides-Democrats në Balatonalmadi, në perëndim të Hungarisë. Ai shtoi se Hungaria do të dënohet nga pakti i ri i BE për migracionin nëse nuk është i gatshëm të pranojë emigrantë.
Ai theksoi se lufta në Ukrainë nuk do të përfundojë së shpejti, ndërsa Evropa gjithnjë e më shumë po rëndohet nga reduktimi i ndihmës amerikane.
“Ne kemi një çmim të madh politik për të ndihmuar Ukrainën… fermerët po protestojnë në të gjithë Evropën dhe së shpejti askush nuk do të besojë në fitoren e Ukrainës,” theksoi Orban.
Ai tha se shpreson se si Brukseli ashtu edhe Uashingtoni do të shohin ndryshime dhe se “zgjedhjet parlamentare evropiane dhe presidenciale amerikane më në fund mund të sjellin shpresë në Evropë”.
“Për nëntë muaj do të jemi më të fortë se sa jemi tani… ia vlen të punohet sepse çdo mandat në Parlamentin Evropian do të kontribuojë në forcën e përbashkët që do të na ndihmojë në zgjedhjet kombëtare në 2026”, theksoi Orban./abcnews.al
