Moti i keq ka prekur pothuajse të gjithë shtetin e Kalifornisë. Lumenjtë kanë dalë nga shtrati, duke shkaktuar përmbytje dhe duke rrezikuar jetën e milionave banorëve.
Të dielën pasdite, guvernatori Gavin Newsom shpalli gjendjen e jashtëzakonshme për qarqet Los Angeles, Orange, Riverside, San Bernardino, San Diego, San Luis Obispo, Santa Barbara dhe Ventura.
Kjo parashikohet të jetë një nga stuhitë më të rrezikshme në historinë e shtetit, duke shkaktuar përmbytje nga Santa Barbara në Los Angeles, si dhe borë në male. Sipas Shërbimit Kombëtar të Motit, priten ndërprerje të gjera të energjisë elektrike, përmbytje në rrugë dhe rrëshqitje dheu.
Qindra mijëra familje kanë mbetur pa energji elektrike në Zonën e Gjirit, sipas Pacific Gas & Electric.
Jugu është më i prekur, me rreth 106,000 familje në rajonin më të madh të San Jose që kanë mbetur pa energji elektrike. Në San Francisko rreth 5,500 familje ishin pa energji elektrike, duke e çuar totalin rajonal në rreth 900 mijë pa energji elektrike.
Vonesat dhe anulimet e fluturimeve kanë prekur aeroportet kryesore të Kalifornisë.
Këtu janë më të fundit, sipas FlightAware:
Aeroporti Ndërkombëtar i San Franciskos (SFO)
Janë anuluar: 215+
Me vonesë: 380+
Aeroporti Ndërkombëtar i Los Anxhelosit (LAX)
Janë anuluar: 40+
Me vonesë: 575+
Aeroporti Ndërkombëtar Sacramento (SMF)
Janë anuluar: 45+
Me vonesë: 115+
Aeroporti Ndërkombëtar i San Diegos (SAN)
Janë anuluar: 25+
Me vonesë: 210+
Aeroporti Ndërkombëtar i Metro Oakland (OAK)
Janë anuluar: 30+
Me vonesë: 95+
Është hera e dytë në katër ditë që Kalifornia goditet nga stuhia. I pari mbërriti në Zonën e Gjirit të mërkurën, duke sjellë rrebeshe dhe reshje të dendura bore që ndaluan shërbimin e teleferikut të San Franciskos përpara se të zhvendosej në bregdet.
/abcnews.al
