Shkrimi i informacionit të ri me dorë e ndihmon trurin tuaj t’i kujtojë gjërat në mënyrë më efektive sesa t’i shtypni ato në një tastierë, ka zbuluar një studim i ri, duke kundërshtuar lidhjen e zakonshme të dixhitalizimit me përparimin.
“Ne tregojmë se në shkrimin e dorës, modelet e lidhjes së trurit janë shumë më komplekse sesa në shtypje,” tha Audrey van der Meer nga Universiteti Norvegjez i Shkencës dhe Teknologjisë dhe bashkëautor i studimit.
Pas testimit të 36 studentëve, ai deklaron se një aktivitet i tillë i gjerë i lidhjes në tru është vendimtar për formimin e kujtesës dhe kodimin e informacionit të ri dhe për këtë arsye është i dobishëm për të mësuar.
Stilolapsi dhe letra, si dhe dërrasat e zeza, po zëvendësohen gjithnjë e më shumë nga ekranet në shkolla dhe universitete në mbarë botën, gjë që është në drejtimin e gabuar dhe mund të ketë një ndikim negativ në mësim, shkruajnë shkencëtarët.
Shkencëtarët, të cilët e publikuan studimin në revistën “Frontiers in Psychology”, kërkojnë që fëmijët “të ekspozohen ndaj aktiviteteve të tilla si shkrimi në shkollë për t’i siguruar trurit kushte optimale për të mësuar“.
Gjetjet vijnë pas një tendence të kthimit të shkrimit të dorës në disa shkolla amerikane dhe duhet, thonë studiuesit, të çojnë në të paktën një kthim të pjesshëm të shkrimit të dorës në shkollat ku ka rënë./abcnews.al
