Trajneri i Borussia Dortmund, Lucien Favre, ka folur në konferencën për shtyp para sfidës kundër Interit, e vlefshme për raundin e tretë të Champions League. Në fjalën e tij, strategu gjerman u shpreh: “Do të jetë absolutisht një sfidë e vështirë, por ne e kemi përgatitur.
“Fitorja në fundjavë në derbi i ka motivuar lojtarët. Jemi në një moment të mirë dhe udhëtojmë drejt Italisë për fitore. E dimë forcën e Interit dhe forcën tonë. Portieri Burki nuk është stërvitur me skuadrën dhe besoj se nuk do të luajë në këtë sfidë. Gjtihsesi, do të vendosim pas stërvitjes së fundit.
Mungesat e Alcacer dhe Reus? Kemi lojtarë të tjerë cilësorë për t’i zëvendësuar, prandaj nuk e shoh si një problem. Sancho? Ka zgjidhur gjithçka me klubin, tani është OK të luajë. Do të jetë në fushë përballë Interit.
Lukaku? Është sulmues i fortë, i shpejtë dhe shumë i aftë para porte. Por me sulmues të tillë përplasemi çdo javë në Bundesliga dhe lojtarët e mi e dinë si duhet të veprojnë”, përfundoi Favre./abcnews.al
