Gjatë turit të tij, ministri për Evropën dhe Punët e Jashtme, Igli Hasani ka takuar edhe presidentet e Kosovës, Vjosa Osmani.
Ai ka ndarë disa foto nga takimi në rrjetet sociale, ku ndër të tjera zbulon se diskutuan thellimin e bashkëpunimit dypalësh dhe situatën aktuale në rajon.
Sakaq, Hasani thotë se e siguroi Osmanin se Shqipëria do të jetë gjithmonë mbështetësja më me zë e Kosovës.
“Mirënjohje për mikpritjen e Presidentes së Republikës së Kosovës, Vjosa Osmani.
Diskutuam thellimin e bashkëpunimit tonë dypalësh dhe situatën aktuale në rajon.
E sigurova Presidenten Osmani se Shqipëria është do të vazhdojë të jetë përherë mbështetësja më me zë e Kosovës në të gjitha forumet dhe organizatat ndërkombëtare”, ka shkruar ministri./abcnews.al
