Breshëri në ajër, policia kap krutanin që tromaksi fshatin

Policia ka arrestuar një 47 vjeçar në fshatin Derven për shkak se u kap duke qëlluar në ajër me kallashnikov.

Kanë qenë banorët që të terrorizuar kanë telefonuar policinë dhe më pas këta të fundit kanë vënë në pranga 47-vjeçarin.

I arrestuari është A.S banues në fshatin Derven të Krujës, ndërkohë që këtij personi i është sekuestruar edhe kallashnikovi.

Tashmë ai do të përballet me akuzat për veprat penale “Prishja e qetësisë publike” dhe “Armëmbajtja pa leje”.