Orët e para të mëngjesit kanë qenë të “çmendura” për një shqiptar në Itali. Bëhet fjalë për një 68-vjeçar që fillimisht u fut në kundravajtje në një rrethrrotullim, sipas mediave italiane.
Më pas ai përplaset me një patrullë të karabinierëve që ndodheshin aty. Për pasojë mbetën të lënduar dy karabinierë njëri 30 dhe tjetri 51 vjeç. Ata janë transportuar në spital, ku njëri prej tyre është në gjendje më të rëndë.
Policia italiane po vijon hetimet për të zbuluar dinamikën e plotë të këtij aksidenti. Deri më tani, identiteti i shqiptarit nuk bëhet i ditur, por mësohet se ka qenë i dehur.
/abcnews.al
