Presidenti rus Vladimir Putin akuzoi presidentin francez Emmanuel Macron për ndërprerjen e marrëdhënieve me të, por e la të hapur derën për rivendosjen e marrëdhënieve.
Para luftës në Ukrainë, Macron u paraqit si një negociator midis Perëndimit dhe Rusisë, edhe udhëtoi për në Moskë javë para pushtimit rus në një përpjekje të fundit për të ulur tensionet.
Fotot e Macron-it të ulur në anën e kundërt të një tryeze të gjatë në Kremlin u bënë virale në rrjet dhe u komentuan si një parandjenjë ogurzezë e mosgatishmërisë së Putinit për të negociuar.
Të enjten, gjatë konferencave dhe ngjarjeve vjetore për shtyp, një gazetar nga kanali francez TF1 e pyeti Putinin për gjendjen aktuale të marrëdhënieve të dy liderëve.
Putin tha se ata kishin pasur një “marrëdhënie mjaft të mirë pune dhe ne ishim të gatshëm të bashkëpunonim më tej me Francën” për çështje dypalëshe dhe globale.
Por ai shtoi: “Në një moment presidenti francez ndërpreu marrëdhëniet me ne. Ne nuk e bëmë, unë nuk e bëra. Ai e bëri. Nëse ka interes, ne jemi gati. Nëse jo, ne do t’ia dalim. Ne kemi gjëra të tjera për të bërë”. /abcnews.al
