Ministri i Mbrojtjes i Izraelit ka paralajmëruar se Hamasi nuk do të mposhtet në Gaza së shpejti.
Yoav Gallant i tha këshilltarit të sigurisë kombëtare të Shtëpisë së Bardhë, Jake Sullivan, i cili është për një vizitë në Lindjen e Mesme, se organizata militante ka ndërtuar “infrastrukturën e saj nën tokë dhe mbi tokë”, shkruan Sky News.
Zhdukja e Hamasit “do të kërkojë një periudhë të gjatë kohore – do të zgjasë më shumë se disa muaj”, deklaroi ai, por shtoi se ishte i sigurt për perspektivat e Izraelit: “Ne do të fitojmë dhe do t’i shkatërrojmë ata”.
Gallant dhe Sullivan diskutuan gjithashtu nevojën që izraelitët të kthehen në shtëpitë e tyre pranë kufirit me Libanin pasi mijëra u zhvendosën për shkak të përleshjeve ndërkufitare me aleatin e Hamasit, Hezbollahun./abcnews.al
