Marrëveshja e arritur në Samitin e Klimës (COP28) në Dubai, e cila bën thirrje për heqjen e lëndëve djegëse fosile për herë të parë, është një “pikë kthese historike”, tha presidenti amerikan Joe Biden.
“Mbetet shumë punë për të bërë për të arritur objektivin 1.5 gradë (të ngrohjes së kufizuar), por rezultati i sotëm na sjell një hap të madh më afër”, tha ai në një deklaratë.
Joe Biden thekson se ka nisur pjesën e tij të investimit më të madh në botë kundër ndryshimeve klimatike, nëpërmjet një ligji për tranzicionin energjetik.

