“Dita Ndërkombëtare e Personave me Aftësi të Kufizuara të këtij viti na kujton se arritja e Objektivave të Zhvillimit të Qëndrueshëm kërkon mbajtjen e premtimit për të mos lënë askënd pas, veçanërisht 1.3 miliardë njerëz me aftësi të kufizuara në mbarë botën,” tha Sekretari i Përgjithshëm i OKB-së, Antonio Guterres.
Ai vëren se sot, në gjysmë të agjendës 2030, personat me aftësi të kufizuara ende përballen me diskriminim sistemik dhe pengesa që kufizojnë përfshirjen e tyre kuptimplotë në të gjithë sektorët e shoqërisë. “Zhvillimi vërtet i qëndrueshëm për personat me aftësi të kufizuara kërkon një fokus të saktë në nevojat dhe të drejtat e tyre, jo vetëm si përfitues, por edhe si kontribues aktivë në jetën sociale, ekonomike dhe politike. Kjo do të thotë të sigurohet që personat me aftësi të kufizuara të jenë në çdo tryezë vendimmarrëse, në përputhje me Konventën për të Drejtat e Personave me Aftësi të Kufizuara dhe në përpjekjet e të gjitha vendeve për të arritur Objektivat e Zhvillimit të Qëndrueshëm, nga çrrënjosja e varfërisë te shëndeti, arsimi dhe veprimi klimatik”, thekson ai.
Së fundi, thekson se Kombet e Bashkuara po udhëheqin me shembull përmes Strategjisë sonë për Përfshirjen e Aftësisë së Kufizuar dhe duke mbështetur Shtetet Anëtare në promovimin e progresit për dhe me personat me aftësi të kufizuara./abcnews.al
