Të tjera detaje janë mësuar nga zbulimi i një pjesë trupit në afërsi të fshatit Xarrë. Mësohet se koka e trupi është gjetur pranë Xhamisë në zonën e njohur si varrezat monumentale të çamëve. Mësohet se policia ka rrethuar zonën ndërsa ka zgjeruar edhe perimetrin e sigurisë.
Bëhet me dije se prej mbrëmjes e kaluar në Sarandë kanë mbërritur edhe familjarë të Fatmir Sulovarit i cili rezulton i zhdukur.
Sakaq kërkimet vijojnë ende për zbardhjen e plotë të kësaj ngjarjeje të rëndë.
Kujtojmë se Policia e Sarandës ka reaguar më herët për gjetjen e mbetjeve kockore. Autoritetet thonë se mbetjet do të dërgohen për ekzaminime të mëtejshme në Institutin e Policisë Shkencore për të identifikuar se kujt i përkasin./ abcnews.al
