Loading ...
Kreu i Partisë së Lirisë, Ilir Meta në daljen e tij publike në mediat ka shpjeguar edhe arsyen përse ka munguar ‘në skenën politike’, pas zhvillimeve të fundit që kanë përfshirë politikën në vend, duke u ndalur edhe tek hetimet ndaj ish-kryeministrit Sali Berisha. Meta tha se mungesa e tij ka qenë për arsye shëndetësore.
“Për hir të së vërtetës këto 2-3 javë për arsye personale të shëndetit nuk kam qenë i angazhuar publikisht, po aq sa edhe ju jeni të shqetësuar. Unë dua t’u them të ruajmë kujtesën që të jemi koherent. Kujtesë është që reforma u miratua me 140 vota, unë kam luajtur një rol të rëndësishëm. Por reforma u shndërrua në Ramaformë sepse çdo gjë në kolonat kryesore u ndryshuan rrugës. Prokurori i Përgjithshëm u zëvendësua me 69 vota, në mënyrën më antikushtetuese. Rama donte një prokuror si e zgjodhi vetë, që të kapte KLP, dhe përmes KLP të kontrollonte përzgjedhjen e SPAK të gjithë sistemin e sigurisë. Sa i përket gjykatave, e harruat atë që u betua tek Lana, sepse e çoi Edi Rama që të betohej tek Lana”, tha Meta.
