Presidenti ukrainas, Volodymyr Zelensky ka paralajmëruar liderët evropianë se Rusia mund të plotësojë ushtrinë e saj dhe të sulmojë vende të tjera brenda disa viteve të ardhshme nëse mbështetja për Kievin zbehet.
Në një samit të Komunitetit Politik Evropian në Spanjë, Zelensky theksoi gjithashtu kërcënimin e vazhdueshëm kundër civilëve në vendin e tij, duke përshkruar se si fëmijët ukrainas në qytetin Kharkiv nuk mund të ndjekin shkollën për shkak të sulmeve ajrore.
Disa po ndjekin mësimet në stacionet e nëndheshme, tha ai.
“Derisa të ketë një sistem plotësisht efektiv të mbrojtjes ajrore, fëmijët nuk mund të ndjekin shkollën,” u shpreh ai në samitin në Granada.
Zelenskyy tha se Evropa mund të parandalojë që ushtria ruse të godasë këdo tjetër në kontinent duke vazhduar mbështetjen ushtarake për Ukrainën.
