Loading ...
Një sulm me dron rus në zonën kufitare të Ukrainës me Rumaninë ka shkaktuar mbylljen e kalimit Orlivka-Isaccea.
Duke iu përgjigjur sulmit, një deklaratë e lëshuar nga ministria e Mbrojtjes e vendit të NATO-s tha: “Ministria monitoroi situatën në ajër pranë kufirit shtetëror në kohë reale gjatë sulmeve të Rusisë mbrëmë mbi disa objekte dhe elementë të infrastrukturës civile të Ukrainës. Ne i dënojmë fuqishëm këto sulme të pajustifikuara dhe të paligjshme”.
Shërbimi rumun i Radio Liberty, ndërkohë, raportoi se trafiku në dalje nga Isaccea, në anën rumune, ishte ridrejtuar në një pikë kontrolli në qytetin e Galatit.
Roja bregdetare e Rumanisë u citua të thoshte se kufiri i vendit “po i shërbente në mënyrë aktive automjeteve në pikën e hyrjes”.
“Dy tragete, të cilët sigurojnë kalimin nga një breg i Danubit në tjetrin, janë ankoruar në anën rumune,” shtohet deklarata.
