Antonio Conte i ka bërë të gjithë për vete në kampin interist. I fundit që i bashkohet korit të elozheve për trajnerin e ri është edhe Nicolo Barella. Mesfushori 22-vjeçar është gati të japë gjithçka dhe të sakrifikojë për Conten.
“Conte ka një qëndrim ndryshe në krahasim me trajnerët e tjerë. Ai gjithmonë të thotë diçka të re që nuk e ke dëgjuar më parë. Jam gati të vdes për të dhe kështu mendojnë edhe lojtarët e tjerë. Kjo është ajo që bën diferencën.
E keni parë se si vrapojnë ekipet e Contes? Nuk ka të bëjë me përgatitjet e forta atletike, ka lidhje me atë që na ngulit në kokat tona”, përfundon lojtari i talentuar italian për Gazzetta dello Sport. /abcnews.al
