Të paktën 5 persona u vranë dhe 80 u plagosën si rezultat i operacioneve ushtarake të Azerbajxhanit në Nagorno-Karabakh, sipas autoriteteve separatiste në rajon, banorët e të cilëve janë kryesisht me origjinë armene, në një postim në Facebook. 15 nga të plagosurit ishin civilë, sipas Qendrës së Informacionit të Karabakut.
Në të njëjtën kohë, Azerbajxhani u kërkon grupeve të armatosura armene në Nagorno-Karabakh, të cilat i ka cilësuar si “të paligjshme”, të dorëzohen, përndryshe do të vazhdojë “operacionin anti-terrorist deri në fund”, njoftoi agjencia shtetërore e lajmeve duke cituar administratën presidenciale.
Në të njëjtën kohë, administrata e presidencës deklaroi se Azerbajxhani është i gatshëm të takohet me përfaqësuesit e armenëve etnikë në Yevlakh nëse ata përmbushin “një sërë kushtesh”.”Megjithatë, për të ndalur operacionin anti-terrorist, formacionet ilegale ushtarake armene duhet të ngrenë flamurin e bardhë, të dorëzojnë të gjitha armët dhe të shpërndajnë regjimin ilegal,” tha administrata presidenciale, duke shtuar se “përndryshe, operacioni anti-terrorist do të vazhdojë deri në fund”.
Në ndërkohë, Hikmet Hajiyev, këshilltar i presidentit të Azerbajxhanit, Ilham Aliyev, theksoi se vendi i tij do të respektojë të drejtat e armenëve të Nagorno-Karabakut. “Të drejtat dhe siguria e qytetarëve me origjinë armene në Karabak do të respektohen, siç kërkohet nga Kushtetuta dhe detyrimet ndërkombëtare të Azerbajxhanit,” theksoi Khajiev.
