Vrasja e John Fitzgerald Kennedy, presidenti i 35-të i Shteteve të Bashkuara të Amerikës, është një nga ngjarjet më traumatike në historinë e vendit. Më 22 nëntor 1963, Kennedy u vra në Dallas, Teksas.
22 nëntori 1963 filloi si një ditë rutinë për presidentin Kennedy. Ai dhe gruaja e tij Jacqueline, e njohur zakonisht si Jackie, ishin në Fort Worth, Teksas për një sërë ngjarjesh politike.
Në mëngjesin e 22 nëntorit, çifti presidencial u largua nga Fort Worth për në Dallas, ku disa takime dhe një paradë publike në qendrën e qytetit. Atmosfera ishte festive dhe mijëra njerëz u mblodhën për të parë presidentin dhe zonjën e parë.
Në orën 12:30, teksa limuzina presidenciale po kalonte nëpër Dealey Plaza, disa të shtëna u dëgjuan nga një ndërtesë pranë rrugës së paradës. Presidenti Kennedy u qëllua dy herë, një në qafë dhe një në kokë.
Guvernatori i Teksasit, John Connally, i cili ishte në automjet me Kenedin, gjithashtu u plagos.
Vrasja e JFK ka qenë subjekt i teorive të panumërta konspirative, disa prej të cilave sugjerojnë se Oswald nuk ka vepruar i vetëm. Këto teori variojnë nga mafia tek FBI, tek CIA, tek përfshirja e kombeve të tjera si Bashkimi Sovjetik dhe Kuba.
Megjithëse Komisioni Warren, i krijuar për të hetuar vrasjen, arriti në përfundimin se Oswald ishte i vetmi fajtor, shumë njerëz ata mbajnë skepticizëm dhe besoj se pas atentatit kishte një komplot më të madh.
“Plumbi magjik”
Teoria e “plumbit magjik”, është një pjesë kryesore e teorive konspirative rreth vrasjes së John F. Kennedy. Ky term i referohet plumbit që, sipas Komisionit Warren, i shkaktoi plagë si Presidentit Kennedy ashtu edhe guvernatorit John Connally gjatë sulmit.
Teoria e “plumbit magjik” u prezantua nga Komisioni Warren, i kryesuar nga shefi i drejtësisë Earl Warren, dhe bazohej në rindërtimin e ngjarjeve dhe trajektoreve të plumbave që goditën Kennedy dhe Connally. Sipas Warren, autori i vetëm, Lee Harvey Oswald, qëlloi dy të shtëna nga dritarja e katit të gjashtë.
Njëri, i njohur si “plumbi magjik”, goditi Kenedin në shpinë, kaloi nëpër trupin e tij dhe më pas goditi Connally, duke e plagosur atë.
Një ish-agjent i Shërbimit Sekret, i cili ndodhej shumë larg nga John F Kennedy kur ish-presidenti u qëllua për vdekje, ka thyer heshtjen pas dekadash duke hedhur dyshime mbi teorinë e një plumbi që është mbajtur nga komisioni që hetoi atentatin.
Në një intervistë të publikuar nga New York Times gjatë fundjavës, Paul Landis tha se ai besonte prej kohësh se Lee Harvey Oswald veproi i vetëm kur vrau Kennedy.
Por, bazuar në mospërputhjet midis gjërave që ai pa në ditën e atentatit dhe raportit nga komisioni, Landis tha se kishte filluar të dyshonte tek vetja.
60 vjet më vonë, Paul Landis, një nga agjentët e Shërbimit Sekret vetëm pak metra larg Presidentit John F. Kennedy në atë ditë fatale në Dallas, po tregon historinë e tij të plotë për herë të parë.
Dhe në të paktën një aspekt kyç, versoni i tij ndryshon nga versioni zyrtar në një mënyrë që mund të ndryshojë kuptimin e asaj që ndodhi në Dealey Plaza. Landis e ka kaluar pjesën më të madhe të viteve duke iu larguar historisë, duke u përpjekur të harrojë atë moment të skalitur në ndërgjegjen e një kombi të pikëlluar. Kujtimet ishin aq shumë torturuese, aq sa Landis u largua nga shërbimi dhe Uashingtoni pas.
Derisa më në fund, pasi makthet duket se kishin kaluar, iu rikthyen sërish. Ai filloi të lexonte dhe ajo çfarë lexoi nuk ishte plotësisht e drejtë. Atë ditë, më 22 nëntor 1963, Kennedy u vra (dhe guvernatori i Texasit, John Connally, u plagos) nga dy plumba të qëlluar në autokolonën presidenciale.
Sipas versionit zyrtar, Kennedy u godit dy herë dhe Connally pësoi plagë të ndryshme. Për Warren, plumbi i parë kaloi nëpër fytin e Kennedy-t dhe më pas nëpër shpatullën, gjoksin dhe kyçin e dorës së guvernatorit, duke prekur kofshën e tij.
Për këtë arsye, që atëherë skeptikët e shumtë, të bindur se është qëlluar nga një tjetër drejtim, flasin për një “plumb magjik”.
Tani atyre u vjen në ndihmë dëshmia e Paul Landis, një agjent i shërbimit sekret që po ndiqte makinën e presidentit atë ditë, duke qëndruar në bordin e drejtimit të një Cadillac.
Në një kujtim të titulluar “Dëshmitari i Fundit” që do të botohet në Shtetet e Bashkuara më 10 tetor, 88-vjeçari Landis thotë se dëgjoi 3 të shtëna atë ditë, jo dy.
Dhe më pas ai tregon se e kishte mbledhur “plumbin magjik” në sedijen e makinës presidenciale, që të mos vidhej nga ndonjë kërkues i suvenireve makabre dhe se e kishte vendosur në barelën ku ishte trupi i presidentit.
Deklaratë jo e vogël, nëse është e vërtetë, duke qenë se, sipas të dhënave të Warren, plumbi u gjet në barelën e Connally, jo të presidentit, dhe për këtë arsye ekspertët besuan se ishte shkaku i plagosjes së guvernatorit.
Landis konsiderohet nga të gjithë si një person serioz, ai kurrë nuk ka besuar në teoritë e konspiracionit për vdekjen e Kennedy- t dhe ka qenë gjithmonë i bindur se Osëald ishte i vetmi që qëlloi.
Por teoria e tij, rrjedh nga këndvështrime të ndryshme, siç vërehet në “Neë York Times” nga vetë Peter Baker, shefi i korrespondentëve nga Shtëpia e Bardhë, i cili e intervistoi atë.
Sot ai thotë se ato ditë ishte i mërzitur (nuk ka fjetur pesë netë): ndoshta i ka rindërtuar kujtimet në mënyrë sipërfaqësore dhe të pasaktë. Por mund të jetë kujtesa e tij ajo që e tradhton, 60 vjet më vonë.
Dyshimi tjetër ka të bëjë me dështimin e tij për të ndërhyrë për të korrigjuar komisionin Ëarren: ai pretendon se hetuesit nuk e thirrën kurrë për të dëshmuar dhe ai, i cili ndërkohë kishte dhënë dorëheqjen nga shërbimi sekret, nuk e lexoi raportin përfundimtar.
Vetëm rreth dhjetë vjet më parë ai e kuptoi se si ishin gjërat, por kishte frikë të ekspozohej: mund ta akuzonin se kishte fshehur elementë thelbësorë nga skena e krimit.
Një histori me shumë zona gri që do të shkaktojë diskutime dhe do të sjellë sërish në plan të parë tezën e vrasësit të dytë.
Por çështja, për këtë arsye, nuk do të rihapet.
/abcnews.al
