Presidenti i Koresë së Jugut Yun Suk-geol tha të mërkurën se çdo përpjekje për të bashkëpunuar me Korenë e Veriut në çështjet ushtarake në një mënyrë që dëmton paqen ndërkombëtare duhet të ndalet menjëherë.
Yun e bëri deklaratën në një takim të nivelit të lartë që mori pjesë me krerët e ASEAN-it në Xhakarta, Indonezi, sipas zyrës së tij.
Deklarata e tij vjen mes raporteve se negociatat për armët midis Koresë së Veriut dhe Rusisë po përparojnë në mënyrë aktive dhe se udhëheqësi i Koresë së Veriut Kim Jong Un planifikon të vizitojë Rusinë së shpejti për t’u takuar me Presidentin Vladimir Putin.
“Përpjekja për bashkëpunim ushtarak me Korenë e Veriut që dëmton paqen ndërkombëtare duhet të ndalet menjëherë”, citohet të ketë thënë Yun gjatë takimit të tij me udhëheqësit e ASEAN-in të mërkurën.
Koreja e Veriut dhe Rusia kanë mohuar se po negociojnë për armë.
Stërvitje të përbashkëta ushtarake
Kim do të vizitojë Putinin në qytetin port rus të Vladivostok këtë muaj për të diskutuar çështjet që lidhen me furnizimin e Moskës me armë për luftën në Ukrainë, raportoi New York Times.
Raporti vjen pas deklaratave të ministrit rus të Mbrojtjes Sergei Shoigu, i cili theksoi se të dy vendet planifikojnë të vazhdojnë me stërvitje të përbashkëta ushtarake.
