Të shtëna me armë janë regjistruar në aeroportin Roissy-Charles de Gaulle të Parisit
Sipas mediave vendase, mësohet se një doganier u plagos nga një plumb pasditen e kësaj të premte brenda aeroportit kur një grua peruane e arrestuar për trafikimin e disa kilogramëve kokainë hapi zjarr ndaj tij.
‘Punonjësi u plagos nga një person me kombësi peruane e arrestuar si pjesë e një hetimi’, tha zyra e prokurorit Bobbini.
Sipas burimit, e dyshuara ka arritur t’ia rrëmbejë armën doganierit dhe ka gjuajtur vetëm një plumb, duke e plagosur në bark.
Sulmi ndodhi teksa punonjësi po e shoqëronte të burgosurin në tualet, njoftoi sindikata Solidaires Douanes.
“Ne e shmangëm për pak një tragjedi,” thanë sindikalistët në një deklaratë, duke përshëndetur “profesionalizmin” e zyrtarëve të tjerë doganorë që arritën të nënshtronin të dyshuarin përpara se ai të mund të qëllonte përsëri.
Gjatë kontrollit, në bagazhin e të resë peruane u gjetën tre kilogramë kokainë. Gruaja u arrestua dhe u akuzua për tentativë për vrasje dhe shkelje të ligjit për drogën.
Sipas autoriteteve franceze, më shumë se 157 ton drogë, kryesisht kanabis dhe kokainë, u kapën vitin e kaluar, një rekord i të gjitha kohërave për vendin./abcnews.al
