Qeveria norvergjeze këtë të hënë ka njoftuar se dymbëdhjetë ministri janë bërë pre e një sulmi kibernetik.
Ka qenë kreu i agjencisë qeveritare përgjegjëse për ofrimin e shërbimeve për ministritë, Eric Hope.
“Ne identifikuam një dobësi në platformën e një prej ofruesve tanë,” ka thënë Hope.
Sulmi u identifikua për shkak të trafikut “të pazakontë” në platformën e ofruesit, tha zyrtari, duke refuzuar të japë detaje të mëtejshme. Ai u zbulua më 12 korrik dhe është objekt i një hetimi nga autoritetet policore.
“Është shumë herët të thuhet se kush qëndron pas kësaj dhe cila është shkalla e ndikimit (sulmit)”, tha ai.
Norvegjia është furnizuesi më i madh i gazit në Evropë pas rënies së flukseve të gazit rus, si dhe eksportuesi më i madh i naftës në Evropën Perëndimore.
Sipas Hope, zyra e kryeministrit nuk u prek nga sulmi dhe as ministritë e punëve të jashtme, mbrojtjes dhe drejtësisë pasi përdorin një platformë të ndryshme.
Sektori publik i Norvegjisë ka qenë shënjestër e sulmeve kibernetike në të kaluarën, si në qershor 2022, kur pati një “sulm të shpërndarë të mohimit të shërbimit” (DDoS), i cili i atribuohej një “organizate kriminale pro-ruse”./abcnews.al
