Sezonin e kaluar e tregoi veten plotësisht.
Myrto Uzuni është krenaria jo vetëm e kombëtares shqiptare, por edhe e Granadës, dhe me skuadrën spanjolle fitoi ngjitjen në elitë dhe Këpucën e Artë.
Pas heroizmave në 2022-2023, sulmuesi kuqezi është i vendosur që të vazhdoj po kështu.
Ai u aktivizua në ndeshjen e parë miqësore që Granada luajti gjatë fazës përgatitore të verës ndaj një rivali modest.
Uzuni shënoi për 2-0 që në minutën e 21-të, në një sfidë ku i la vend një tjetër shoku të ekipit, dhe që përfundoi me shifrat 12-0 ndaj El Ehidos që luan në kategorinë e katërt spanjolle.
Beratasi 28-vjeçar u bashkua më vonë me Granadën sesa pjesa më e madhe e shokëve, sepse ishte i angazhuar me kombëtaren shqiptare deri në 20 qershor në eliminatoret e Europianit.
Tashmë, ai pritet të përgatitet fort për të qenë gati për sezonin e ri, që do ta zhvillojë në La Liga.
Pas një gjysmë edicioni që kaloi në elitën spanjolle duke rënë nga kategoria, Myrto uzuni është i vendosur që kjo gjë të mos përsëritet.
Me 23 gola të shënuar në Ligën e Dytë, ai i ka letrat në rregull për të qenë protagonist edhe aty ku janë Barcelona dhe Reali./ h.ll/abcnews.al
Estareis viendo el partido del @GranadaCF en TG7, no??
Si no es así, os acabáis de perder este golazo de #Uzuni
Va, que aún estais a tiempo!!@aytogr pic.twitter.com/MGpo4oPkp6— TG7-Televisión Municipal de Granada (@TG7tv) July 22, 2023
